Hemserekê KCDK-E yo verên Yuksel Koço ke 20ê gulane de bajarê Bremenî yê Almanya de sereştişê keyeyê ci de ame destbendkerdene, ewro mehkeme de ame tepiştene. Badê qerarê tepiştişî Bremen de bi eşkerayîya çapemenîye dewleta almanya ameye  protestokerdene.

Kurdîstanijê ke merkezê bajarî de ameyî têhet bi ziwananê kurdkî, tirkî û almankî eşkerayîye wende.

Hemsereka KCDK-E Zubeyde Zumruta ke tewrê çalakîye bîye, bale ante vengdayîşê Rayber Apoyî yê 27ê sibate ser û vat: ''Almanya rixmo ke vengdayîş û qerarê kongreya PKKyî sey gama pozîtîfe hesibnayî bi pratîkê xo vera nê prosesî vejîyena.'' Zumrute vat gerek Yuksel Koç cade serbest bêro veradayene.

Çalakwananê ke çalakîya xo nizdê saetêke domna bi vatişê sloganan bîyî vila.