Platformê Ekolojî yê Şirnexî vizêr talanê vera herêmanê Gabar, Cûdî û Besta yê Şirnexî protesto kerd. Eşkerayîya ke merkezê bajarî de ameyî kerdene dezgehanê komelê sîvîlî, DEM Partî û DBPyî zî paştî daye ci. Şarê ke pankartê ''estbîyayîşê xoza nasnameyê ma yo'' akerd slogana ''Bijî berxwedana Cûdî'' vate.

Vervatoxê Têgêrayîşê Ekolojî yê Mezopotamya Adnan Senbayramî vist vîrî ke 2018î ra nata  Şirnex de darî yenê birnayene û vat, ''Xozaya Şirnexî yena çînkerdene. Haştîye bi qedînayîşê talanê vera xoza bena.''

Hetkarê Hemserekanê Pêroyî yê DBPyî Huseyîn Bîrlîk zî talanê vera xoza sey şîdetê vera şarî hesibna û wina vat: ''Ma nê qebul nêkenê. Eke haştîye bena, gerek talanê vera xoza bêro vindarnayene. Ma veng danê dezgehanê eleqedaran ê dewlete ke wa nê qirkerdişî vindarnê. PKKyî xo fes kerd.  Wa hinî asayîşî bahene mekerî. Haştîye bi xoza dest pê kena, bi Cûdî û Gabarî dest pê kena.''