Meclîsê Rayberdişî yê Îdareyê Xoserî yê Rojawanî eşkerayîyêke daye û pare kerd ke qedexeyê tebervejîyayîşî heta 5ê hezîrane ame dergkerdene. Îdareyê Xoserî da zanayene ke wextê qedexeyê rojane zî saete 07:00ê  şanî ra heta 06:00ê serê sibayî do bêro caardene.

Îdareyî destûr da ke dikan û firinî akerde bibê. Îdareyê Xoserî eşkerayîya xo de îfade kerd ke karker û karmendî do 27ê gulana 2020î de (ewro) bieşkê dest pê karî bikerê. Rojawan de seba hetkarîya merdimîye berê Tayha û Tebqa do akerde bibê la berê sînorî yê bînî do girewte bimanê.