Îdareyê Xoserî yê Rojawanî bi wesîleya 1ê Teşrîna Peyêne Roja Kobanê ya Dinya eşkerayîyêka nuştekîye daye.

Eşkerayîye wina ya:

''Kobanê bi xoverdayîşê xo yê tarîxîyî û xêrê şerwananê YPG û YPJyî vurîya mîrasêkê qehremanîye. Kobanê de DAÎŞ ame binvistene. Serrgêra 9. ya xelisnayîşê Kobanê û Roja Kobanê ya Dinya de ma ancî tewirê înan ra semed şaran rê sipas kenê. Mîrasê Kobanê mîrasê merdimatîye yo û destkewteyê şaran o. 

Ewro Kobanê û herêmê ma yê bînî hema zî raştê hêrişan yenê. Dewleta tirke ya îşxalkere vera Rojawanî sûcanê şerî kena, binawanîye xera kena û asayîş û aramîya herême rê gefan wanena. Nê hêrişan ra destkewteyê Rojawanî binê tehlukeyan de yê.

Ma paştdayîşê dinya yê seba Kobanê ercîyaye vînenê. Pawitişê destkewteyan bi dewamê nê tewirî û şerê vera terorê dewleta tirke, teşhîrkerdişê sîyasetanê ci beno. Ma şarê xo rê vanê ke mîrasê xoverdayîşî yê Kobanê û rayraşîyayîşê şehîdanê Kobanê û temamîya Rojawanî do bibê roşnîya asayîşê şarê ma. Ma pê bawer ê ke şarê ma do bi îradeyê xo ser bikewo, herêmanê îşxalkerdeyan bixelisno û Sûrîyeya yewbîyaye awan bikero.''