Îdareyê Xoserî yê Rojawanî derheqê zîyaretê Suleyman Soyluyî yê Efrîn û Ezazî de eşkerayîye daye û nê vatî:

''Dewleta tirke îxlalkerdişê xoserîya Sûrîye rê dewam kena. Roşanê Qurbanî de Wezîre Karanê Teberî yê Tirkîya Suleyman Soyluyî Efrîn û Ezaz zîyaret kerdî. Soyluyî xeylêk dezgehê ke herêmanê îşxalkerdeyan de ameyî ronayene zîyaret kerdî.  Waştişê nê dezgehan bedilnayîşê demokrafîkê herêmanê îşxalkerdeyan o.  Bi nê rayîrî yeno waştene ke nê herrî tewrê sînoranê Tirkîya bibê.

Dewleta tirke kuçeyanê herême de posteranê Erdoganî daliqnena û heme dezgehan de beyraqa tirke şuxulnena. Şuxulnayîşê pereyê tirkî kena mecbur û walîyê tirkî nê qezeyan îdare kenê. Badê nê hemeyan no zîyaret bale aneceno xo ser.  Dewleta tirke rixmê qanûnê mîyanneteweyî kena ke herême ke îşxal kerdî bikerê tewrê sînoranê xo.

Ma sey Îdareyê Xoserî nê zîyaretî şermezar kenê û veng danê heme hêzan û şaranê ke yewîya Sûrîya pawenê  wa vera sûcanê Tirkîya tewir bîgirê. Dewleta tirke bêvengîya ra paştî gena û cehd kena ke cayanê neweyan îşxal bikera.

Semedê hûzûrê herême ganî îşxalê dewleta tirke û çeteyanê ci bêro qedînayene. Neteweyê Yewbîyayeyî, Rûsya, Hukmatê Şamî û Kooalîsyonê Mîyanneteweyî berpirsîyarê nê sûcî yê. Ganî ê vera îşxalê dewleta tirke vejîyê.''