Îdareyê Xoserî yê Kantonê Firatî derheqê hêrişanê dewleta tirke û gefanê vera Kobanê de eşkerayîyêke daye.

Mamostayê kurdkî Egîd Nasiroyî eşkerayîye wende. Nasiroyî pare kerd ke Îdareyo Xoser seba aramîya Sûrîye amade yo ke pêro terefan de dîyalogan bikero.

Nasiroyî bale ante ser ke dewleta tirke ya îşxalkere vera Şehba û Minbicî cerganê xo reyde hêrişanê barbaran kena  û qirkerdişan kena. 

Nasiroyî vat: ''Dewleta tirke ya îşxalkere armanc kena ke şaranê herême îmha bikera. Îşxalê Rojawanî zî parçeyê nê xeyalî yo. Seba ke Şorişê Rojawanî Kobanê ra dîya destpêkerdene dewleta tirke rîyê DAÎŞî da ver bi Kobanê. Dima ke hêrişê DAÎŞî ameyî şiknayene Erdoganî tim Kobanê tehdît kerdêne.

Ewro tehdîtê vera Kobanê dewam kenê. Wa merdimatîye xo vîr a nêkera ke Kobanê senî nefes dabi ci û deyndara şerwanan a. Nika wext wextê wayîrvejîyayîşê Kobanê yo. Ma venga pêro merdimatîye danê ke wayîrê Kobanê vejîya. Seba rûmetê merdimatîye ma wayîrê kelaya xoverdayîşî Kobanê vejîyê ke tede DAÎŞ amebi rijnayene.''

Eşkerayîye bi sloganê “Berxwedan Jiyane” qedîyaye.