Hukmatê Şamî îdîa kerd ke QSD û Îdareyo Xoser pabesteyê hêzanê teberî yê.

Mudirîya Têkilîyanê Teberî ya Îdareyê Xoserî derheqê sûcdarkerdişê Şamî de eşkerayîyêke daye.

Eşkerayîye de ame vatene ke rejîmê Şamî wazeno krîzêk vejo û bala rayaumûmîye bida yewna cayî. Rejîm wina mojneno ke seke ma vera ci komplo kenê û bi nê hawayî mesuldarîyanê xo ra remeno. Îdîayê înan zî naye tesbît kenê.

Ganî rejîmê Şamî polîtîkayanê talanî ra fek vera bido û hemkarîya xo ya bi dewleta tirke ya îşxalkere eşkera bikero. Ziwanê hukmatê Şamî krîz û alozîyan keno xorinêr.

Ma do seba armancê xo xebatanê xo dewam bikerê. Ma seba Sûrîyeya demokratîke, rengîne û merkezî xebitîyenê. Ma îdîayanê 'hêzanê teberî' red kenê. Ma pê armanc û xebetanê xo yê Sûrîye sereberz ê.''