Îdareyo Xoser ê Vakur û Rojakewtena Sûrîye da zanayene  ke seba ke hukmatê Sûrîye wezîfeyê xo yê asayîşî bîyaro ca, înan reyde peymanêk ameye viraştene.

Eşkerayîya Îdareyê Xoserî de nê çîyî ameyî parekerdene:

 "Seba ke hukmatê Sûrîye wezîfeyê xo yê asayîşî bîyaro ca û seba ke verba hêrişanê îşxalkaran ê dewleta Tirkî paşt bide QSD'yî peyamêk ameye viraştene. Çarçeweya peymane de destûr ame dayene ke hêzê rejîmê Sûrîye derbasê xeta sînor ê Sûrîye û Tirkîya bibê.

Îdareyo Xoser ê Vakur û Rojakewtena Sûrîye bi rayîrê hêzê xo yê leşkerî Hêzanê Sûrîye ya Demokratîka ke pêroyê ciwananê Sûrîye ra ame meydan, herêmanê Îdareyo Xoserî de şaristanê Kobanê ra serra 2014 ra verba terorî şer kerd. Nê şerê xelisnayîşî verba rêxistina terorî Vakur û Rojakewtena Sûrîye de dewam kerd û Rojawanê Firatî Minbic, dima Girê Sipî, Tebqa û heta paytextê aye Reqa û dima Dêrazor xelisnayî. Nê serkewtişê verba rêxistinan dimayê 5 serran tarîxê 23.03.2019 de cayê aye yo tewr peyên Rojakewtena Dêrazarê de serkewtiş îlan kerd. Na cografyaya xelîsnaye ya 1/3 erdê Sûrîye ra û Hêzanê Sûrîye ya Demokratîke 11 hezar şehîdî û 24 hezar birîndarî dayî.Seba ke ma şarê Sûrîye bixelisnê û pêroyê caardişan zilm û zorbazîya rêxistina terorîstan ra xelas bikê û pawitişê yewîya erd ê Sûrîye bikê, no bedelêko giran bîyo.

Projeyê ma yo sîyasî Vakur û Rojakewtena Sûrîye vengdayîşê parçebîyayîşî nêkerd, labelê ma seba dîyalog û çaresarîya alozîya Sûrîye  bi hewayêkê haştîyane veng dayêne û ma do veng bidê. Ma hêrişê kesêkî, hêrişê dewletanê cîranan nêkerd û heta heta ma dewleta Tirkî tehdît zî nêkerde. La dewleta Tirkî dormeyê ma pê terorî girewt û hema zî wina kena. Rolêko menfî vilakerdişê terorî yê Sûrîye de destpêkê alozîye de kaykerd. Ewro hêrişê erdê Sûrîyeya ke Hêzanê Sûrîye ya Demokratîke bi gonîya ciwananê xo nê erdî xelisna, kena.

Nê 5 rojê vîyarteyî de barbaran  sivîlan rê sucî kerdî. Hêzanê Sûrîye ya Demokratîke bi mêrxasî û qehremantîye verba hêrişê xo ver da û zafê şehîdî û birîndarî seba pawitişê serdestîya Sûrîye dayî. La dewleta Tirkî hêrişanê xo rê dewam  kena. Seba ke ma verba nê hêrişan bigêrê, ma hukmatê Sûrîye reyde pêkerd ke do sînoranê welatî serdestîya Sûrîye bipawe. Artêşa Sûrîye ya Demokratîke nê îhlalî ver vindere û herêmanê ke artêşa Tirkî û çeteyê aye derbasê ci bîyî, bixelisne. No pêkerdiş firsendê xelisnayîşê pêroyê erdî û şaristananê Sûrîyeyê ke hetê artêşa Tirkî ra ameyî îşxalkerdene,  û şaristananê bînan virazeno.

Serê nê esasan, ma pêroyê herêmîyanê xo, pêroyê Vakur û Rojakewtena Sûrîye bitaybetî şaristananê serê sînorî nê pêkewtişî ra hayîdar kenê.  Dekewtişê artêşa Sûrîye yê sînoranê ma bi kordîne û pêkerdişê Îdareyê Xoserî yê Vakurî û Rojakewtena Sûrîye beno."