Îdareyê Xoserî yê Rojawanî bi eşkerayîyêka nuştekîye bale ante ser ke dewleta tirke ya îşxalkere û çeteyê ci aşmêke ra nata Awbendê Tişrînî bi giranî kenê hedef û eke Awbendê Tişrînî teberê xizmetî de bimano felaketêko pîl do biqewimîyo.

Îdareyê Xoserî vist vîrî ke nê 5 rojan de şîdetê hêrişan zêdîyayo û eke awa awbendê biherikîyo Çemê Firatî kapasîteya çemî do nêvejîya. Îdareyê Xoserî vt: ''Netîceya ney de erazîyê zîretî, dewê dormeyê çemî, şaristanê Reqa û ray warê erdê Iraqî do binê awe de bimanê.''

Îdareyê Xoserî venga Koalîsyonê Mîyanneteweyî, Neteweyanê Yewbîyayeyan û dezgehanê mîyanneteweyîyan da ke wa verê hêrişanê serê Awbendê Tişrînî û binawanîya Rojawanî bigêrê.

Îdareyî venga şaranê Rojawanî zî da  ke ewro tewrê çalakîya dormeyê Awbendê Tişrînî bibê û destek bidê xoverdayîşê QSDyî.