Îdareyê Xoserî bi eşkerayîyêke vera hêrişanê serê elewîyan nêrazîbîyayîşê xo mojna.

Eşkerayîye de ame parekerdene ke Sûrîye de xeylê şar û bawerîyî est ê ke nê erjê înan ê. Îdareyê Xoserî vat: ''Pawitişê zengînîya neteweyîye û cîyarengîya Sûrîye seba awankerdişê Sûrîyeya newîye girîng ê. Hêrişê vera îbadetxaneyanê elewîyan û vêşnayîşê daranê seserrîyan ê Hema û Humusî xizmetê menfaetanê Sûrîye nêkenê. 

Ma sey Îdareyê Xoserî pawitişê pirrengîya Sûrîye û binpaynêkerdişê sembol, urf û tradîsyonan qeyî kenê. Pawitişê nînan erkê ma yo.

Nêzdîbîyayîşê şaşî yê vera Sûrîye û tesîrê nînan ê xirabî xizmetê aramîye nêkenê. Eqsê ci nê nêzdîbîyayîşî şer û nakokîyan zêdînenê.''