Temsîlkarê Îdareyê Xoserî Cîhad Hese û endamê PYDyî Mistefa Xelîl û Mistefa Ezîz 10ê hezîrane de Meydanê Teyarayan ê Hewlêrî de hetê PDKyî ra ameybî remnayene. Aqîbetê nê kesan hema zî nêzanîyeno. Heyetê Têkilîyanê Teberî yê Îdareyê Xoserî derheqê babete de eşkerayîye daye.

Eşkerayîye de ame vatene ke PDKyî bêşîyarîye nê kesî remnayî ke no kerdiş goreyê krîteranê netewe, dîplomasî nîyo. Eşkerayîye de ame parekerdene ke ê weşîya nê kesan ra qerqilîyenê. Eşkerayîye wina dewam kena: ''Derheqê sebebê destbendkerdişê înan de ma rê cewabêko fermî nêame dayene.

Ma venga terefanê fermîyan ê Başûrê Kurdîstanî, rêxistinanê mîyanneteweyîyan danê ke PDK û hukmatê Herêma Kurdîstanî rê teda bikerê ke aqîbetê nê kesan eşkera bikero û nê kesan vera bido. Mesuldarê cuye û çarenusê nê kesan terefê fermî yê Başûrê Kurdîstanî yê.''