Îdareyê Xoserî yê Rojawanî bi wesîleya serrgêra 6. ya Xoverdayîşê Kobanê eşkerayîyêke daye.

Eşkerayîya Îdareyê Xoserî bi kilmî wina ya:

''Xelisnayîşê Kobanê destpêkê rijîyayîşê DAÎŞî bi û Xoverdayîşê Kobanê vurîya destanêk. Hêzanê Rojawanî pê hêzê nê serkewtişî 23ê adara 2019î de Baxoz de DAÎŞ bin kerd.

Xoverdayîşê Kobanê dekeweno serra 6ine û Îdareyo Xoser zî dekeweno serra 7ine. Ma bi na wesîle pêro şehîdanê xo yad kenê. Nê şerwanan seba awankerdişê îradeyê demokratîk û azadî fedakarîyêka pîle kerd.

Dewleta tirka ke paştî dana terorîzmî têna herêmanê ma nê pêro dinya rê gefê DAÎŞî wanena.

Serkewtişê Kobanê mîrasê pêro dinya û merdimîye yo. Xoverdayîşê Kobanê projeyê îşxalî asteng kerd û bi xoverdayîşêko destanwarî.

Ma sey Îdareyê Xoserî yê Rojawanî reyna anê ziwan ke paştdayîşê dewleta tirke yê seba DAÎŞî tehluke yo û ma her terefî ra wazenê ke wa vera dewleta tirke û îşxalê ci yê vera Serêkanîyê û Girê Sipî tewirê xo bimojno.

Xoverdayîşê Kobanê mîrasê dinya yo û  xelisnayê Efrîn, Serêkanîyê û Girê Sipî qasê ê Kobanê girîng o. Ma venga pêro beşanê herême danê ke xeta xoverdayîşê Kobanê, Efrîn û Rojawanî ser o şorê

Ma pêro şehîdanê Kobanê û şehîdanê pêro Rojawanî rê selam kenê.