Îdlîbî de şeran de nêzdîyê 100 kesî merdî
Herêma Îdlîbî de mabênê rejîmê Sûrîye û cerganê artêşa tirke de şerêko giran qewimîya. Mîyanê di rojan de her di hetan ra nêzdîyê 100 kesî merdî.
Gore Keyeyê Çimdarî yê Heqanê Merdiman ê Sûrîye mabênê di rojanê peyênan de tewr tay 96 kesî şeran de merdî.
Menga Tebaxe ya ke adirbirnayîş amebi îlankerdene ra heta nika no şerêko tewr giran bi. Keyeyê Çimdarî pare kerd ke 48 saetanê peyênan de 51 endamê rejîmî û vera rejîmî ra zî 45 kesî merdî. Îdlîb binê kontrolê Heyet Tahrîr El Şamî de yo ke Tirkîya paşt dana înan. Na herême û tay cayanê Helep, Hama û Lazkîye binê kontrolê rejîmî de yê. Her çiqas 31ê tebaxe de adirbirnayîş amebi îlankerdene zî hewteyanê peyênan de zaf şerî û bombardûmanî yenê kerdene.
