Goreyê ajansê fermî yê rejîmê Sûrîye sîstemê pawitişê hewayî yê Sûrîye (SANA) vera hêrişê Îsraîlî kewt dewre. SANA derheqê hêrişan de ke serê sibayî ame kerdene zanayîş nêda. Ame parekerdene ke  verî ke biresê hedef dîya tay fuzeyan ro. Goreyê SANA hêriş warê hewayî yê Lubnanî ra ame kerdene.

Îsraîlî serra 2011î destpêkerdişê şerê zereyî yê Sûrîye ra heta nika zaf reyî hêrişê hêzanê rejîmê Sûrîye û hemkaranê Îran û Hîzbullahî kerd. 20ê nîsane de goreyê çimayanê rejîmî Îsraîlî tay hedefanê çolê Palmîye ser o bombayî varnayî. Dezgehê Çimdarîye yê Heqanê Merdiman pare kerd ke hêriş vera cayanê milîsanê Îranî ame kerdene û netîce de 3 şerwanê Sûrîye û 6 şerwanê xerîbî ameyî kiştene.