Dewrîyeyê hemparî yê rûsan û tirkan dewa Aşmê ya Kobanê de dest pêkerd.Dewa Çariqli ya Kobanê de ke dewrîye tede gêrayêne roniştoxan panzeranê dewleta tirke ser o kerrayî varnayî.

Dewa Xorxorî de ke rojawanê Kobanê ra 17 kîlometreyî dûrî ya tede îşxalkeran bombaya gazî eşte dewijan ser. Dewijan zî bi kerrayan cewabê hêrişî da.

12ê teşrîna peyêne de dewleta tirke ya îşxalkere ya ke leşkeranê rûsan reyde dewrîye gêrayêne, hêrişê roniştoxanê Kobanê kerdbi û 4ê ci bi giranî 8 kesî birîndar bibî.

8ê teşrîna peyêne de zî Girkê Legê de wextê dewrîyeyê hemparî yê leşkeranê tirkan de sivîlêkê bi nameyê Serxwebûn Alî binê panzerî de amebi qetilkerdene.