Îşxalkeran Girê Sipî de 600 keyeyê bînî yê cergan ca kerdî
Dewleta tirke demografîya Girê Sipî ya Rojawanî vurnena. Îşxalkeran Cerablusî ra nêzdîyê pê 150 wesayîtan pê şekle konvoyî keyeyê cergan şaristan de ca kerdî.
Dewleta tirke ya ke Girê Sipî îşxal kerde demografîya ci vurnena. Îşxalkeran 600 keyeyê cergan Cerablusî ra pê 150 wesayîtan ardî Girê Sipî. Ame zanayene ke nê keyeyî keyeyê cergan ê ke îşxalkeran verê cû Gutaya Rojhelate, Humis û Îdlîbî ra ardî.
Hetê bînî ra goreyê zanayîşanê ke çimeyanê Cerablusî ra ameyî girewtene, Meclîsê Herêmî yê Cerablusî yê pabesteyê dewleta tirke nameyanê keyeyanê ke bierşawo Girê Sipî kom keno.
