Goreyê eşkerayîya Merkezê Îrtîbatî û Çapemenîye yê Meclîsê Leşkerîye yê Minbicî cerganê 'Dîrî Firatî' yê dewleta tirke ya îşxalkere xîret kerd ke bikewê dewêka qeza. Ame parekerdene ke şerwananê Meclîsê Leşkrîye no xîretê îşxalkeran çin kerd.

Na herême de bombardumanêkê giranî yê vera dewa Mihsenlîye de zî 15 topî kewtî dewe.

Dewleta îşxalkere dewa Mihermelî ya Zirganî zî daye bombayan ver û bombarduman de domano 14 serre Mihemed Yûsif birîndar bi. Yusuf wedarîya Nêweşxaneyê Şehîd Xebatî yê Derbêsîyê. Seba ke birîna ci giran bîye sewqê Nêweşxaneyê Sarya yê Hesekê ame kerdene.

Îşxalkeran serê sibayî dewa Xidrawî û dewekê Bobî û El Bekî yê Zirganî zî dayî bombayan ver. Herême ser o zî teyarayê keşfî û SÎHAyî gêrayî.

Serê sibayî zî dewê El-Ebûş, Dirdara, Til Şenan, Qesir Toma Yelda, Til Cuma, El-Exêbiş, Tewîla dîyayî bombayan ver.