Seba weçînayîşê serekîye waranê bi kontrolê Şamî de buroyê weçînayîşî ameyî akerdene. Goreyê hukmatî weçînayîş mojneno ke Sûrîye de ameya xo ser.

Îdareyo Xoser ê Rojawanî tewrê weçînayîşî nêbeno. Komelo mîyanneteweyî zî pare keno ke armancê weçînayîşî tesdîqkerdişê serwerîya Beşar Esesî yo.

Wezîranê Karanê Teberî yê Amerîka, Almanya, Îngilîstan, Fransa û Îtalya eşkerayîyêka hempare daye û venga komelê mîyanneteweyî da ke weçînayîşî red bikero. Wezîran vat: ''No weçînayîş ne azad o ne zî edîl o.''

Hetê bînî ra Meclîsê Sûrîyeya Demokratîke 24ê gulane de pê eşkerayîyêke da zanayene ke semedo ke rejîmê şarî pê dîyalog û muzakereyan meseleya Sûrîye çareser nêkeno ê do tewrê weçînayîşî nêbê.''