Dewa Reşidûrî ya qezaya Çomanî ya Hewlêrî de 24 serran ra nata citkarî rizê kurdan ramenê. Balekayetî de verê awe de xeylêk erazîyê zîretî estê û çimeyê awe zêde yê la hukmat û selahîyedarî paştî nêdanê citkaran. Coka citkarî nêeşkenê rizî ra zêde îstîfade bikerê.

Herêma Balekayetî de serranê 1970an de rizê kurdan ameyêne ramitene la zulmê rejîmê Baasî ra dima erazîyê zîretî ameyî zuwakerdene ke citkarî nêeşkîyayêne tede riz biramê. Rijîyayîşê rejîmî ra dima ramitişê rizî reyna dest pêkerd.

Şar wextê ramitişî de hetkarîya yewbînan kenê. Citkar Cêgir Mihemedî îfade kerd je o babî û bapîrê xo reyde 24 serran ra nata riz rameno. Citkarî vat: ''Awe û erdêko baş estê, ma zî dest pê ramitişê rizî kerd.''

Citkarê bîn ê bi nameyê Mihemed Hemedî zî da zanayene ke tamê nê rizî ê rizan ê bînan ra qat bi qat weş o. Hemedî ard hukmat û selahîyetdaran ra waşt ke dormeyê kanalanê awe bêrê betonkerdene le ê bieşkê ke berhemanê xo ra zêdêr îstîfade bikerê.