Şarê Dirbêsîyê vat ê hêrişanê îşxalkarîya Tirkî ra nêtersenî, erd rûmet o û  ê do heta peynî xo ver bidê.

Mehmûd Şêx Heseno Dirbêsîyêyîj vat: "Ma do YPG-YPJ'yê ke domanê ma ra yenê meydan, reyde do ser bikewê."

Îsra Ferhana ke Dirbêsîyê ra dayîkêke ya veng da Erdogan û vat: "Ma top û tangan ra nêtersenê. Heta çila peyêne ya gonîya xo ma do serê rayîrê şehîdan de bibê. Erdogan û çeteyê ci ma ra çi wazenî û keyeyê ma talan kenê. Seke ma Serêkanîyê de vînenê, wazenê ma wareyê xo, keyeyanê xo biteriknê. Ma dadîyî paştê domananê xo gênê, ma înan reyde yê. Ewro zî ma ameyî ke ma domananê xo yê ke erdê ma do bipawê, raşt bikê. Ma soz danê ke ma do erdê xo nêtirknê û ma do xo ver bidê."

Endamê PDKS'yî Ibrahîm Elî Husoyî zî wina vat: "Ma her çi seba erdê xo kenê. No erd rûmetê ma yo û ma amade yê ke seba erdê xo gonîya xo birijnê. Ma veng danê pêroyê dewletan û vanê;  wazenê Kurdan qir bikê, hînî nê qêrîyayîşê ma bieşnawê."

Ferhed Cemîl Hemîyî vat: "Ma tîya de erd û şarê xo pawenê. Ma şehîdanê xo rê wayîr vejîyayenê û ma nê erdî nêteriknenê. No erd erdê ma yo. Ma sivîl ê, leşker nîyê la heta peyên ma do xo ver bidê."