Roniştoxê Dirbesîye seba şermezarkerdişê hêrişanê îşxalê Dewleta Tirkan çalakîyêke kerde. Hemşaredarê qezaya Sêgirka ya Dirbesîye Yûsif Mihemedî pare kerd ke ê do vera îşxalî do xo ver bidê û vat: "Pêro dinya de Kurdî û dostê înan seba wayîrvejîyayîşê Rojawanî kom bîy. Ma bi coş meydanan de yê. Nê prosesî de zaf şehîd û birîndarê ma estbî û ma neçar mendî ke koç bikê. La reyna zî xoverdayîşê ma do dewam biko, ma erdê xo îşxalkeran rê nêverdenê. "

Adalet Omare zî vat: "Dewleta Tirkan a îşxalkere hêrişê destkewteyanê ma kena û gef ro ma wanena. Bi nê hawayî hêrişê Efrînî zî kerd û şar neçar mend ke koç biko. Heman hêrişanê xo nika zî dewam kena. Şarê Rojawanî do xo ver bido û ser bikewo. Înanê ke heta nika destkewteyê ma pawitêne, YPG-YPJ û QSD bîy. Ma înan ra ber kesêk qebul nêkenê. Ma nika ra ver zî vatibi ke ma do erdê xo înan rê nêverdê. Ma do erdê xo nêteriknê."

Xebatkarê kultur û hunerî Abdurrahmanî: "Ma wazenê şaranê dinya ra vajê, ganî meseleya Kurdan hînî bêro çarekerdene. Şarê Kurdan şarêko xoverdayox o, bi seyan serre yo ke binê zorbazîye de yo. Ma hînî wazenê meseleya xo çare bikê. Wa hînî nê hêrişê gemarinî bêrê vindertene."