Şarê Dirbêsiyê vera galanê qirker û dagirker yê Dewleta Tirkan Rojhêlatê Sûrîye de vejîyayî meydanan û peyamê yewîye da.

Rayîrşîyayîş bi bereyîya Kongra Star û Organîzasyonê Ciwananê Şoreşgeran ame warye. Bi hezaran kesî ke tey wendekar û mamostayî zî estîbî tewrê rayîrşîyayîşî bîy. 

Yew maya ke nameyê xo Henna Mihemed a û şerî de lajê xo şehît bîyo vat: “QSD hêzê ma yo esasî yo, ma çirey erdê xo ra fek vera nêdanê.”

Dayike dewam kerd û vat: “Ma seba ke piştî bidê hêzê xo QSDyî tîya de yê. Ma erdê xo ra çirey fek vera nêdayo û merg zî bo wa erdê ma ser o bo.”

Endamê Tevgera Ciwananê Şoreşgeran Ferhatî zî vat: “Galkerdişan ra serkewte ma gazîya seferberîye îlan kerda. Ma ciwanî ê kesê ke na gazîye eşnawita û Rojawan de vera çeteyan şer kenê selam kenîme. Ma sey ciwan cayê xo cepheyanê şerî de girewto. Ma dewleta Tirkan û çeteyanê aye ra vanê ke şima nêeşkenê ma çin bikerê. Ma bi fikir û felsefeya Rayber Apoyî cuye newe ra do awan bikerê. Tewr kes nêeşkeno ma nê rayîr ra açarno. Ma Serekanîye de şarê xo reyde vera her tewir teknîkê averşîyayeyî xo ver danê.    

Rayîrşîyayîş bi slogananê “Biciwîyo Xoverdayîşê QSD, Biciwîyo Xoverdayîşê Rojawanî” rest peynîye.