Şarê Dirbesîyê: Yewîye serfîrazî ya

Keyeyanê şehîdan û cinîyan ê Dirbesîyê YPJ selam kerd û vat: "Ma dewleta tirke ra nêtersenî. Kurdî do bi hêzî û yewîya xo ser bikewê."

Keyeyanê şehîdan û cinîyan ê Dirbesîyê ard ziwan ke heta ke hêzê YPJyî estbê ê do tim ser bikewê.

Cemîle Abbas vat: "Ez hêzanê HPC Cinîye ra ya. Ma ameyî ke paştî bidê şerwananê YPJyî. Ez îşxalê Erdoganî û cerganê ey şermezar kena. Erdoganî rê vana ke ti do qet ser nêkewî. Ma do ser bikewê."

Şêx Îsa Eyyup Mihammedî vat: "Erdogan ma ra çi wazeno ke hêrişê ma keno? Verê çiman de keyeyê ma yenê talankerdene, domanê ma yenê kiştene, no edalet o gelo? Kurdî zî yewbînan ra cîya têgêrenê, çareserîye yewî ya.
 

Xalit Yûsif Xelefî vat: "Vera dewleta tirke ya îşxalkere ma paştî danê YPJyî. Ma her tim hêzanê xo YPG-YPJ, QSDyî reyde yê.  Nê hêriş û talanê ke nika Serêkanîye û Girê Sipî de kenê şermezar kena. Ma bi hêzanê xo bi hêzê xo yê YPJyî vera îşxalkeran vinderê."
 

Wisam Osmanî vat: "Ma hêzê xo YPJyî reyde yê. Bi kombîyayîşê xo yê nê meydan de ma reyna estbîyayîşê xo mojnenê. Ma dewleta tirke ra, tank, top û teyarayanê înan ê şerî ra nêtersenê. Heta ke hêzê ma YPG-YPJyî û QSDyî estbê ma do qet nêtersê û bin nêkewê."