Bi tewrbîyayîşê pêroyê endamanê meclîsî û dezgehanê herêma Şehba û Efrînî bi hezaran hemwelatijê Efrînî destpêkê qezaya Ehdesî ra ver bi parka Ehdesî rayra şîyî.

Rayraşîyayîş de pankartê 'Erdogan domanan kişeno', 'Dîktator Erdogan merdimanê bêsuc û bêguneyan kişeno' ameyê kiriştene û slogananê 'Şehîd nêmirenê', Biciwîyo xoverdayîşê Rojawanî' reyde ber bi parka Ehdesî rayîrî ra şîyî.

Parka qezaya Ehdesî de dimayê deqayêkê rêzgirewtişî zafê qiseykerdişî ameyî kerdene, ser nameyê Kongra Starî Hedîye Yûsûf, ser nameyê Yewîya Cinîyan ê Azadan şeba Wefee Hisên qisey kerd. Qiseykerdişan de pêroyê şehîdê azadîye ameyî yadkerdene û no ame vatene; "Ewro Xoverdayîşê Rûmetî de seba heqî reyna ma fedaîtîye kenê. Dewleta Tirkî bi çeteyanê xo hêrişê ma û erdê  ma kena. Nê hêrişan de vejîyayo meydan ke dewleta Tirkî çeteyê aye seba qirkerdişê şarî nê hêrişan kenê." Rayraşîyayîş dimayê qiseykerdişan bi slogana 'Wa Biciwîyo Xoverdayîşê Rojawanî' qedîya.