Polîsê leşkerî yê rûsî û leşkerê tirkî yê îşxalkerî rojawanê Kobanê de bi hawayêkê hemparî dewrîye gêrayî. Şarê Kobanê îşxalkeran ser o kerrayî varnayî.

Dewrîyeyo hempar dewa Aşmê ya rojawanê Kobanê de ame kerdene. Dewrîyeyo hempar ê leşkeranê tirkan û rûsan herêma Çariqli ya Jorîn, Cibnê, Beyadî, Zormixar, Qeran, Dîmedaş, Sêlim Boban, Sifteka Jêrîn û noqteyê kontrolî yê Hêzanê Asayîşî yê Mîyanneteweyî de ame kerdene.

Wexto ke dewrîye dewa Çariqli ra derbaz bîyêne dewijan panzeranê dewleta tirke ser o kerrayî varnayî. Dima ke dewrîyeyê rûs-tirkî qedîya leşkerê tirkan derbazê sînorê xo bîyî.

Roniştoxanê Kobanê 12ê teşrîna peyêne de konvoyê hemparî yê dewleta tirke ya îşxalkere û leşkeranê rûsan şermezar kerd labelê leşkeranê tirkan hêrişê roniştoxan kerd û 4ê ci bi giranî 8 kesî birîndar bîyî.