Bajarê Kobanê yê Kantonê Firatî yê Rojawanî de vera hêrişê îşxalî yê dewleta tirke yê vera Rojawan û vera cinîyan rayraşîyayîş ame kerdene.

Rayraşîyayîş de yo ke  Meydanê Cinîya Azade yê Kobanê de dîya destpêkerdene, posterê rojanamgeran Gulîstane Tara û Hêro Bahadîn û Xalîde Mihemed Şerîf û lajê ci Hehar Ednan Silêmanî ameyî kiriştene ke hetê dewleta tirke ra ameyî qetilkdene.Rayraşîyayîşo ke bi seyan kesî tewrê ci bîyî heta Meydanê Haştîye dewam kerd.

Meydan de bi nameyê Kongra Starî Zozane Bekir qisey kerd.  Bekîre ard ziwan ke ê do bi felsefeya “Jin Jiyan Azadî” qesasê şehîdan bîgêrê û vat: ''Ma do bi îrade û hêzê cinîyan peynîyê zîhnîyetê îşxal û qirkerdişî bîyarê.''

Zozane Bekir vist vîrî ke hêzanê Rûsya waşt ewro pîya bi dewleta tirke Çilaxa dewrîyeya hempare  bikero û vat: ''Panzerêkê rûsan cinîyêke eciqna birîndar kerd. Seba ke şarê ma vera na dewrîye vejîya bi hewayêkê wehşî hêrişê şarê ma kerd. Pê panzeran hêrişê şarî kerd. Hêrişê vera cinîyan ê Rojawanî têna hetê dewleta tirke ra nînê kerdene. Eynî wextî de bi destê dewletanê garantoran zî yeno kerdene. Ma do verê nê qetlîaman bîgêrê.''