Şarê Kampa Multecîyan a Şehîd Rûstem Cûdîyî ya Mexmûrî bi armancê protestokerdişê ambargo û destbendkerdişanê hukmatê Iraqî rayraşîyayîşêko girseyî kerd.

 Rayraşîyayîş heta verê Ofîsê Neteweyanê Yewbîyayeyan (NY) dewam kerd. Rayraşîyayîş de fotografê Rayber Apoyî, alê KJKyî ameyî akerdene û sloganê sey “Bijî berxwedana Mexmûrê”,  “Bijî Serok Apo” û “Bimire Xiyanet” ameyî vatene.

Dima verê Nyyî de eşkerayîyêke dîyaye. Hemsereka Meclîsê Şarî yê Mexmûrî Filîze Budak eşkerayîye wende. Fîlîze ard ziwan ke nê prosesî de ke Tirkîya û Vakurê Kurdîstanî de xîretê prosesê haştîye est ê, ablûqa û ambargoyê vera kampe raşt nîyê. Fîlîze venga hukmatê Iraqî da ke wa cade ambargo û ablûqa wedarno.