Reqa

Bi seyan cinîyan rayberîya Îdareyê Cinîyan ê Reqa de hêrişê dewleta tirke yê vera cinîyan protesto kerdî. Cinîyan pankarta bi nuşteyê ''Hêrişê vera cinîyanê Efrînî, hêrişê vera pêro cinîyanê dinya yê'' akerde û sloganî vatî.  Îdareyê Cinîyan ê Reqa ra Xalîya Kecwan îfade kerd ke xoverdayîşê cinîyan do dewam bikero. Rêxistin û dezgehanê Reqa zî pê eşkerayîyêka hêrişê dewleta tirke yê vera cinîyanê Efrînî şermezar kerdî.

Qamişlo

Cinîyanê Qamiloyî rayberîya Kongreya Starî de hêrişê dewleta tirke yê vera cinîyanê Efrînî şermezar kerdî. Îdarekara Kongreya Starî Mûna Mezel vat: ''Cinîyî yenê remnayene, erzîyenê zîndanan, maruzê hêrişan ê cînsîyan benê. Ma wazenê ke dezgehanê mîyanneteweyîyan vera nê kerdişan tewirê xo bimojnê. Ganî derheqê nê serebûtan de tehqîqatêko mîyanneteweyî bêro kerdene.

Kobanê 

Hunermendamê Kobanê seba Bariş Çakano ke seba ke muzîkê kurdkî goştarî kerdêne kişîya verê Merkezê Kultur û Hunerî yê Baqî Xidoyî de eşkerayîyêke kerde. Zîlane Hemo çalakîye de qisey kerd û vat: ''Dewleta tirke kurdan asîmîle kena û her roje hêrişê ziwan, kultur, çapemenî û roşnvîranê kurdan kena. Ma her hêrişê faşîstî yê dewleta tirke protetso kenê. Ma do wendiş şîîran û vatişê deyîran ê kurdkîyan dewam bikerê.