Dewleta tirke ya îşxalkere 5ê teşrîna verêne hêrişê Rojawanî kena. Şaranê Rojawanî derheqê xoverdayîşê xo de ANFyî rê qisey kerd.

Şarê sûryanîyan ra babîyê şehîdêkî Bitris Barson Beşîryomî vat: ''Şorişê Rojawanî şorişê Rojawanî yo. Hêrişî çend giranî bibê zî do nêeşkê îradeyê ma bişiknê. Xêrê şehîdan ra ewro ziwan, têkoşîn, nasname û erdê ma est ê. Ma sey şarê sûryanîyan heta serkewtişî apey gamêke nêerzê. Dewleta tirke gonîya şaranê Rojawanî rijnena. Ganî hêzê mîyanneteweyî vera nê hêrişan bêveng nêmanê. Şarê Rojawanî yenê û pîya vera zulmî vindenê.''

Şarê armenîyan ê rojawanî ra Kohare Xacaduryan vat: ''Hêrişê dewleta tirke vera pêro bawerî, mezheb û şaranê Rojawanî yê û nê hêrişî projeyê Îdareyê Xoserî yê Demokratîkî kenê hedef. Dewleta tirke binawanî û çimeyanê herêma ma kena hedef. Ma do qetî qirkerdişê dewleta tirke yê vera armenîyan xo vîr a nêkerê. Dewleta tirke Qerebax de armenîyan qetil kena, Rojawan de zî wazena heman çî bikera. Ma do sey şarê armenîyan her ca de vera dewleta tirke vejîyê. Ganî komelo mîyanneteweyî û hêzê asayîşî yê mîyanneteweyîyî vera nê hêrişan tewir bimojnê.''

Kurdanê Rojawanî ra Ayîd Îbrahîmî vat: ''Dewleta tirke dewletêka faşîst a. Dewleta tirke seba ke destkewteyanê şarê ma çin bikera hêriş kena û qanûnanê mîyanneteweyîyan binpay kena. Şarê Rojawanî vera hêrişanê dewleta tirke payan ser de yê, mîyanê xoverdayîş û têkoşînî de yê. Şarê ma do tim perwerê Rayber Apoyî, şehîdan û hêzanê xo yê pawitişî bibê. Şarê ma do rayîrê azadîye de qetî dewleta tirke bin bivisno.''