Dirbêsîyê, Qamişlo, Tirbêsipîyê û Hol de şar vejîya meydananû hêrişê dewleta tirke yê vera Rjawanî prtotesto kerd.

Dirbêsîyê

Bi seyan hemwelatîyê Dirbêsîyê seba ke hêrişanê dewleta tirke yê vera Rojawanî protesto bikerê vejîyayî meydanan.Hemwelatîyî verê merkezê Têgêrayîşê Ciwanan ê Şorişgêran ra heta bînaya Şaredarîya Şarî rayîrî ra şîyî.

Nameyê Partîya Yewîya Demokratîke (PYD) ya herêma Cizîre Silêma Ebû Bekirî qisey kerd. Bekirî hêrişî şermezar kerdî û vat: ''Tirkîya pê nê hêrişanê xo xîret kena ke îradeyê şarê ma bişikna. La pê îrade û xoverdayîşê ma faşîzmê Tirkîya do çin bibo.''

Ebû Bekirî derheqê bombardumanê vera qezaya Dirbêsîyê de zî wina qisey kerd: ''Ê armanc kenê ke mîyanê şarî de ters vila bikerê. La Tirkîyaya îşxalkere do ser nêkewa. Hemwelatîyê Dirbêsîyê erdê xo ra do fek vera nêdê.''

Çalakîye pê sloganan qedîyaye.

Qamişlo

Hemwelatîyanê Qamişloyî pê rayraşîyayîşêkî sûcê dewleta tirke şermezar kerdî. Endama Meclîsê Keyeyanê Şehîdan Şemsîxane Gulo çalakîye de qisey kerd û vat: ''Fikrê demokratîkî yê Rayberê Şarê Kurdî Abdullah Ocalanî kilîtê asayîşê Kurdîstanî û ê dewletanê Rojhelatê Mîyanênî yo.''

Çalakîye pê sloganan qedîyaye.

Tirbêsipîyê

Hemwelatîyanê Tirbêsipîyê pê rayraşîyayîşêkî hêrişê dewleta tirke yê vera Rojawan û Başûrê Kurdîstanî şermez kerdî. Hemwelatîyan venga dewletanê idnya da ke hêrişanê dewleta tirke vindarnê. Rayraşîyayîş qiseykeridşan ra dima qedîya.

Hol

Meclîsê Holî zî seba şermezarkerdişê hêrişanê dewleta tirke rayraşîyayîşêk organîze kerd. Bi seyan kesî, endamê dezgehan û hêzê leşkerîyî tewrê rayraşîyayîşî bîyî. Rayraşîyayîş de vera îşxalê dewleta tirke pankartî ameyî akerdene û sloganî ameyî vatene.