Rîyê hêrişanê îşxalkaran ê Dewleta Tirkan û çeteyanê ci ra bi seyan keyeyî neçar mendî ke Serêkanîyê ra koç bikerê û nika zî Hesekê, Til Temir de şaristan û qezayanê derûdoran de dibistanan de manenê.

Sebah Mihemedo Serêkanîyêyijî vat: "Amerîka û Erdogan pê kerd û Amerîka cayê xo teriknayî. Bi teyarayanê şerî û topanê bombayan sivîlî rê bombayî yenê varnayenê. Sivilî yenê qetilkerdene. Herêma ma de çîyêkê Erdoganî çin o la bi çeteyanê xo ma rê hêriş kerd. Ma zîneçar mendî ke keyeyê xo biteriknê. Nika ma dibistan de manenê. Zimistan nêzdî yo û ma nêzanenê ke do se bikê.
 

Hêzanê xo QSD'yî ra ber ma hêzêk qebul nêkenê. Ma do erdê xo kesî rê nêverdê, heta çila peyêne ya gonîya xo ma Serêkanîyê ra do fek vera nêdê, ma do xo ver bidê. Ma herêma xo Erdoganî ra pak bikê. Ma paşt danê QSD'yî. "

Siphî Xêloyî zî vat: "Ma welatê xo ne Erdoganî rê ne zî dewleta bîne ra nêverdenî. Heta çila peyêne ya gonîya xo ma do xo ver bidê. Seba pawitişê erdê xo ma amade yê ke her çi bikê."

Ehmed Elî Sefîyî vat: "Erdogan 3 serran ra nata seba ke hêrişê Serêkanîyê bike tehdîtan keno. Hêrişê doman û cinîyan kerd. Kesêk zî do erdê xo înan rê nêverdo. Plan kenî ke QSD'yî herême ra bivejê û bi xo tîya de ca bibê. Ma do erdê xo kesî ra nêverdê. QSD'yî ra ber ma erdê xo de kesêk nêwazenê."