Dima ke Efrîn 18ê adara 2018î de hetê dewleta tirke ra ame îşxalkerdene bi hezaran kesî nêçare mendî ke koçê Şehba bikerê. Rejîmê Şamî vera koçberan amabargo dabi destpêkerdene. Ambargo dîyayîşê zimistanî ra dima bi giranêr.

Rejîmê Şamî yo ke nêverdeno hewcedarîyê zimistanî û weşîye derbaz bibê dima ke ENKSî pêşnîyaz kerd ke herêmanê Îdareyê Xoserî derbazê perwerdeyê rejîmê Şamî bibê nêverdeno ke hacetê perwerdeyî yê Îdareyê Xoserî derbazê Şehba bibê.

Evdo Îsoyî pare kerd ke rejîmê Şamî vera Şehba 3 serrî yo ambargo keno û vat: ''Rejîm nêverdeno sotemenî derbazê herême biba. Meclîsê Kantonê Efrînî bêpere sotemenî daye şarî. Ez na polîtîkaya rejîmî şermezar kena.''

Silhedîn Bîlalî zî ambargo şermezar kerd û eşkera kerd ke rejîm dest nano herkarîyanê ke koçberan ra erşawîyayî ser. Bîlalî îfade kerd ke rejîm wazeno mabênê Îdareyê Xoserî û şarî de fîtne bikero û vat: ''Ma pê Îdareyê Xoserî bawer ê. Xoverdayîşê ma dewam keno.''

Koçbera bi nameyê Fîdane Ico zî ard ziwan ke rîyê ambargoyî ra ê zaf zehmet û tengî ancenê û nêeşkenê hewcedarîyanê xo yê serekeyan peyda bikerê.