Şehba de cinîyanê Efrînijan îşxalkarîye şermezar kerde. Rayraşîyayîşê cinîyan ê Efrînî dewa Wehşî ya Şehba ra dest pêkerd û ver bi merkezê Rûsya yê leşkerî yê dewa Wehşî dewam kerd.

Rayraşîyayîş de slogananê 'Hêriş û îşxalkarîya dewleta Tirkî serê Efrînî  lanet û şermezar kenê', 'Erdogano gonîwerde rê ney' reyde ver bi Rûsan ame şîyayene.Verê merkezê Rûsan de heyeto ke hetê çalakgeran ra amebi weçînayene, seba ke nameyê şarê Efrînî biresne selahîyetdaranê Rûsya derbasê zereyê merkezî bi. Verê merkezê Rûsan de deqayêkê rêzgirewtişî seba şehîdan ame girewtene. Dima eşkerayîyêka bi nameyê cinîyan ê şehîdanê Efrînî bi ziwanê Erebî hetê Hac Hemo ra ame wendene. Eşkerayîye de îşxalkarîya serê Efrînî û hêrişanê dewleta Tirkî serê Vakur û Rojakewtena Sûrîye ameyî şermezarkerdene. Dimayê pêvînayîşê bi saetêke heyetî eşkerayîyêk daye û vat: "Waştişê ma no bi ke ganî vurnayîşê demokratîkî bêrê kerdene, reyna cinîyî cayê xo yê sîyasî bigêrê, bêrê pawitene. Erdê Sûrîye ya ame îşxalkerdene, bêro xelisnayene."