Têgêrayîşê Ciwananê Şorişgêran ê Sûrîye û Yewîya Cinîyan ê Ciwanan a Efrîn-Şehba vizêr seba azadîya Rayberê Şarê Kurdî Abdullah Ocalanî rayraşîyayîşêk serûber kerd. Xeylêk ciwanî tewrê rayraşîyayîşî bîyî.

Peynîya rayraşîyayîşî de endamê Têgêrayîşê Ciwananê Şorişgêran Abdîn Mihemedî qalê sîstemê îşkence û tecrîdî yê Îmraliyî kerd û vat ke ê seba azadîya Ocalanî têkoşînî pîlêr bikerê.

Abdînî pare kerd ke ê soz danê ke heta azadîya Rayberê Şarê Kurdî û xelisnayîşê Efrînî têkoşîn bikerê.