Şehba de rayberîya Konreya Starî de bi hezaran kesî vejîyayî kuçeyan û hêrişê îşxalî yê dewleta Tirkî protesto kerdî.

Bajarê Şehba yê Rojawanê Kurdistanî de vera hêrişanê dewleta Tirkî şar vejîya meydanan. Çalakîye de  îdarekarê Kongreya Starî Wehîda Xelîle qisey kerd. Xelîle vat: ‘’ Ma soz danê ke ma do bi mucadeleyî şarê xo çete û îşxalkaran ra bixelisnê.’’ Bado zî eşkerayîya Kongreya Starî ameye wendene. Eşkerayîye de ame vatene ke ê vera hêrişê dewleta Tirkî û çeteyan seba cuya azade fedakarîye rê amade yê. Kongreya Starî vat: ‘’Dewleta Tirkî wazena hemeyê herême îşxal bikero û DAÎŞ’î newe ra ganî bikero. Ma do sey cinîyan ê Efrînî bi ruhê xoverdayîşî yê şehîde Barîn Kobane, Avesta Xabûre, Eylem Têkoşîne, Bêrîvane û Meryeman  şorişê xo bipawê.’’