Hemserekê Komîtîya Weşîye ya Rojawanî Dr. Ciwan Mustafayî da zanayene ke seba ke dewa Um El Hoşî de leşkerêkê hêzê Sûrîye de vîrusê Korona ame tesbîtkerdene dewe gerîyaye binê karantîna.

Mustafayî vat: Yew leşkerê hêzanê hukmatê Sûrîye ke wezfîfeyê xo qedîna bêtedbîrgirewtiş agêra keyeyê xo yê dewa Um El Hoşî. No keso ke derheqê ci de yeno qalkerdene de dima ra vîrusê Korona ame tesbîtkerdene û nêweşxaneyêkê Helebî de gerîya binê tedawî. Xora dewleta Sûrîye têkoşînê vera Korona da paştî nêda Îdareyê Xoserî. Ganî no leşker verî ke agêra dewe bigêrayêne binê karantîna û tedbîrî biameyêne girewtene. Ma zî sey masaya krîzî qerar girewt ke dewe do demêk karantîna de bimano.