Qezaya Fafînî ya Şehba de serkêşîya Meclîsê Keyeyanê Şehîdan ê Efrîn û Şehba de bi şaîrê ''Xîyanet û îşxalî rê nê, wa biciwîyo wayûbiratîya şaran'' rayraşîyayîşê protestoyî ame kerdene.

Bi hezaran kesê ke ameyî têhet sûcê dewleta tirke yê teberê merdimîye yê ke pê destê ENSK û PDKyî yenê kerdene, protesto kerdî.

Badê rayraşîyayîşî endamanê Komîteya Perwerdeyî yê Komelê Demokratîkî (KPC-D) Eliye Ebdo û Zuher El Helebî eşkerayîye daye.

Eşkerayîye de sûcê dewleta tirke yê vera Rojawanî yê ke bi paştîdayîşê PDK û ENKSyî yenê kerdene ameyî şermezarkerdene û wina ame vatene: ''Kurdîstan de di xetî est ê; xeta azadîye û koletîye û xeta xoverdayîş û îxanetî est a. Başûrê Kurdîstanî de PDK seba ke vera gerîlayan şer bikero, dewleta tirke reyde hemkarî keno. Rojawan de zî ENKS seba ke hewnanê şarê kurdî çîn bikero, paştî dano Erdogan û çeteyanê ci. Seba ke xelisnayîşê Efrinî bîyo nizdî, zafêr hêrişê herême kenê.''