8ê înan domanî 10 kesê ke Til Rifatî de hetê dewleta tirke ra ameyî qetilkerdene bi merasîmêkê kîtlekî ameyî definkerdene.

Cenazeyê şehîdan hetê bi hezaran kesî ra bi slogananê ‘‘Şehîdî nêmirenê‘‘ û ‘‘Xoverdayîşê Anorî‘‘ ameyî kiriştene. Şehîdgehê Fafînî de merasîmî bi rêzgirewtişî dest pêkerd. Dima ra hetê îdarekaranê Kongreya Starî, Kantonê Efrînî û Kantonê Şehba ra qiseykerdişî ameyî kerdene. Qiseykerdişan de ame vatene ke dewleta tirke hêrişê sivîlan kena ke herême de  huzurê şarî bixeripno. Qiseykerdoxan vera rêsitinanê heqanê ke vera qirkerdişî bêveng manenê hêrsê xo ard ziwan û vat no sucê merdimîye yo û ganî vera naye bêveng mêro mendene. Bado zî domenêk semedê embazanê xo şîîrêke wende. Dima ra cenazeyê 10 sivîlan bi tîlîlî û sloganan ameyî definkerdene.

Nameyê şehîdan wina yê:

Hisên Abdulha Kildedo (74)

Ali Mehmud Osman (63)

Mihmed Ali (11)

Mistefa Mihmed Mecid (10)

Mihmed Haci Omer (7)

Arif Cafer Mihmed (6)

İmad Ehmed Kêfo (9)

Abdul Fetah Aliko (3)

Semir Abdurihman Hiso (12)

Mihmed Adulriham Hiso (15)