Endama Têgêrayîşê Ciwanîye yê Şorişgêreî Yewîya Cinîyan a Ciwanan Nûjîyane Ocalan, Vîyane Kobanê û Rojîne Ehmed Îsa, Merhef Xelîl Îbrahîm  Welîd Mihemed Menle 25ê kanûne de taxa Şehîd Peymanî yê Kobanê de hetê wesayîtê hewayî yê bêmerdimî ra ameyî qetilkerdene. Şehîdan ra Merhef Xelîl Îbrahîm û Welîd Mihemed Menle Eyn Îsa de ameyî definkerdene.

Nûjîyane Ocalan, Vîyane Kobanê, Rojîne Ehmed Îsa yê ke hetê dewleta tirke ra Kobanê de şehîd bîyî Şehîdgehê Şehîde Dîcle de hetê bi seyan kesan ra ameyî definkerdene. Temsîlkarê dezgehanê sîvîlan, partîyanê sîyasîyan û herêma Firatî ra bi hezaran kesî tewrê merasîmî bîyî.

Endamê Koordînasyonê Têgêrayîşê Ciwanîye yê Şorişgêrî yê Sûrîye Tolhildan Zerdeştî ke merasîm de qisey kerd bêvengîya mîyanneteweyî ya vera hêrişanê dewleta tirke sey berpirsîyara qirkerdişan name kerd û vat ê do rixmê heme hêrişan çirey verê zextan de çok nêdê. Hemserekê Meclîsê Kantonê Girê Sipî Sebrî Niboyî zî hêrişê dewleta tirke yê vera Rojawanî sey şerê psîkolojîkî û caardişê qirkerdişî name kerd û vat ê do verê zextan ra qet peyser game meerzê. Hemsereka Meclîsê Keyeyanê Şehîdan ê Herêma Firatî Eyşê Efendî zî ard ziwan ke ganî qet kes vera nê hêrişî bêveng memano û vat ê do çirey milê xo çewt nêkerê û heta serkewtişî têkoşîn bikerê.

Badê qiseykerdişan belgehê şehîdan ameyî wendene û teslîmê keyeyanê înan bîyî. Dima ra cenazayê şehîdan bi sloganan ameyî definkerdene.