Endamê Hêzanê Asayîşê Zereyî Hesen Îbrahîm, Sûhêl Bekî, Hesen Nesan û Mihemed Emîn Hemo ke hêrişê dewleta tirke ya îşxalkere yê vera Pirdê Qereqozaxî de şehîd bîyî, bi merasîmêkî ameyî definkerdene.

Merazîmo ke Şehîdgehê Şehîd Dîcle de ame kerdene Kantonê Fratî ra bi seyan kesî tewrê ci bîyî.

Endamê Înîsîyatîfê Rayber Abdullah Ocalanî rê Azadîye Eyşe Efendî vat: ''Wext wextê şeref û anorî yo. Ewro ganî vera heme hêrişanê îşxalî her kes wirzo payan ser. Se beno wa bibo ma do miheqeq ser bikewê.''

Îdarekaranê Hêzanê Asayîşê Zereyî ra Şêro Mistefayî zî vat: ''Her vinceyê herra Rojawanî bi gonîya şehîdan est a. Teberê xoverdayîşî de yewno rayîr çîn o. Wa her kes bizano ke nê warê ke ma bi gonîya xo kerdî azad do tim Edoganê faşîstî û çeteyanê ci rê bibê derd. Ma do çirey peyser game meerzê. No welatê şervanan û egîdan o.''

Badê qiseykerdişan belgeyê şehadetî yê şehîdan ameyî wendene û teslîmê keyeyanê ci bîyî û cenazayê şehîdan bi sloganan ameyî definkerdene.

Hetê bînî ra şervanê Hêzanê Xopawitişî Ehmed Mamon El Misrî, Ehmed Neîm El Xalid, Ehmed Mihemed El Mihemed ve Hisên Seed El Ebdullah yê ke 7ê kanûna 2024î de dewa Deşîşa ya Şedadê şehîd bîyî Şehîdgehê Şedadê de bi merasîmêkî ameyî definkerdene.