Wendekarê ke hewcedarîyê înan hetê Komîteya Perwerde û Banderîye ya Kantonê Hesekê ra yenê peydakerdene 22ê kanûne de dibistana kampe de dest pê perwerdeyî kerd.

Mamostayê kampe Abdulreûf Hisên Alîyî vat: "Wendekarê ma ewro bi hawayêkê fermî dest pê perwerdeyî bikê. Pêro hewcedarîyê înan ê kitab, defter ûsn. ameyî peyda kerdene."

Alîyî bernameyê dersan wina îzah kerd: "Perwerde sey hîrê ceman yeno dayene. Sinifa 3. ra heta sinifa 6. mabênê saetanê 8:00-10:00 de, sinifa 1. ra heta sinifa 2. mabênê saetanê 10:00-12:00, wendekarê lîseyî û dibistana mîyanêne zî mabênê saetanê 12:00-14:00 de perwerde gênê. Seba ke kampe de wendekarî zaf ê, ma sîstemêkê winasênî xebitnenî."

Goreyê doneyanê Komîteya Perwerde û Banderîye ya Kantonê Hesekê Kampa Waşokanî de hezar û 200 wendekarî manenê.

Kampa Waşokanî Hesekê ra 12 kîlometre dûrî de dewa Tiwêne de ameye akerdene û tede 5 hezar û 800 koçberî estê.