Helîkopterê dewleta Tirkî hetê şervananê QSD’yî ra ame warodayene
Wezaretê Pawitişî yê Tirkîya îdîa kerdibi ke helîkopterêkê înan rîyê qezayî ra kewto. La vejîyayo meydan ke no helikopter hetê şervananê QSD'yî ra ame warodayene.
Helîkopterê artêşa Tirkî ya îşxalkare hetê şervananê Hezanê Sûrîyeya Demokratîke (QSD) ra ame warodayene.
17’ê Teşrîna Verêne de ceyheyê Vakurê Eyn Îsa de şervananê QSD’yî xoverdayîşêko bêhempa verba dewleta Tirkî û çeteyanê aye dabi û zafê îşxalkarî kiştibi. Artêşa Tirkî ya îşxalkare weştibi ke pê 3 helîkopteran kişte û birîndarê xo wareyî ra bigêre la şervananê QSD’yî helîkopterêk îmha kerd.
