Merkezê Îrtîbatî yê YPJ'yî bi eşkerayîyêk parbe kerd ke hêzanê înan Serêkanîye de verba îşxalkarîya dewleta Tirkî bi çekanê giranan çalakîyêk viraşte.

Eşkerayîye de ame vatene, "Hemleya Cengê Rojawanî şaristanê Serêkanîyê de roja şeşine de bi xoverdayîşêko tarîxî dewam kena. Cepheyanê Rojakewtene û Rojawanî yê şaristanî de, xeta sînorî de bi xo zî şer zaf çêtin qewimîyeno. Şervanî bi fedakarîye û mêrxasîyêka pîle cewab danê hêrişanê artêşa Tirkî ya îşxalkare."

Eşkerayîye de ame parbekerdene ke şervananê YPJ U QSD'yî verba komanê çeteyan û leşkeranê artêşa Tirkî ya îşxalkare ewro saete 11.30 de bi çekanê giranan çalakîyêka viraşte. Goreyê eşkerayîye îşxalkaran ra zafê kişte û birîndarî estî, la hûmara înan nêameye tesbîtkerdene.

Merkezê Îrtîbatî yê YPJ'yî dîmenê çalakîye weşana.