Şervanê QSDyî  Maxlûm Dogano ke vizêr hêrişê artêşa tirke yê bi droneyanê çekdaran de şehîd bi, Şehîdgehê Şehîd Dîcle yê Kobanê de hetê bi hezaran kesan ra ame definkerdene.

Bi hezaran kobanêyijî, endamê dezgehanê leşkerî û sîvîlî û temsîlkarê partîyanê sîyasîyan tewrê merasîmê cenaza yê Şehîd Sebrî Ebdullah ( Mazlûm Dogan) bîyî.

Merasîmê cenaza bi rêzgirewtişî dest pêkerd û dima ra Hemserekê Meclîsê Leşkerî yê Kobanê Mehmûd Dîmoyî qisey kerd. Dîmoyî vist vîrî ke Şehîd Mazlûm Doganî hêrişê vera Kobanê yê 2014 de, binkewtişê DAÎŞî de rolêko gird kay kerd û vat ey tim bi hewayêkê fedakarî têkoşîn kerd.

Qiseykerdoxanê bînan zî ard ziwan ke dewleta tirke bi hêrişanê vera Rojawanî kena ke emre xo derg bikero û vat dewleta tirke wazena reyna terorî ganî bikero. Badê qiseykerdişan belgeye şehîdî ame wendene û teslîmê keyeyê ci bi.