Hêrişê dewleta tirke ya îşxalkere û çeteyanê ci yê vera herra Rojawanî dewamkenê. Şervananê Tabura Şehîd Serkanî eşkera kerd ke înan semedê pawitişê şorişî mewzîyan de cayê xo girewt.

Eşkerayîye de bale ameye serantene ke dewleta tirke vera Rojawanî hêrişê xo zêdînayî û nê ameyî vatene: ''Minbic de şervanê ma vera hêrişan xoverdayîşê xurtî kenê. Dewleta tirke ya îşxalkere nê şertanê krîz û şerî yê Sûrîye de  kena ke şorişê Rojawanî bin bifîno û Îdareyê Xoserî çîn bikero. Ma vera nê heme hêrişan xover danê û xover bidê.''

Şervanan semedê pawitşê şorişê Rojawanî veng da şaranê dinya û vat: ''Ma sey şervananê Tabûra Şehîd Serkanî Minbic,Tebqa û Til Temir û heme mewzîyan de cayê xo girewt û xover danê. Pêro mewzîyan de pêkewtişê giranî qewimîyenê. Ma do desturê îşxalê dewleta tirke medê. Ma tîya ra veng danê heme karkeran û şaranê xo yê bindestan. Bêrê ma nê prosesî de pêro pîya vera îşxalî xover bidê, herre û şorişê xo bipawê. Çunke Rojawan hêvîya şaranê bindestan a. Rojhelatê Mîyanînî de hêvîya şaran a. Ma do heta peynî vera faşîzmî şer bikerê û destur medê herra ma bêro îşxalkerdene. Ma do xover bidê, şer bikerê û ser bikewê.''