Cepheyê Awbendê Tişrînî de xoverdayîşê şerwananê QSD û YPJyî vera hêrişanê dewleta tirke û çeteyanê ci dewam keno. Amara Qamişloya ke Tişrîn de refanê YPJyî de şer kena ajansê ma rê qalê xoverdayîşî kerd. 

Amara Şorişê Rojawanî ra dima 2019 de tewra YPJyî bîya û îfade kerd ke cephe de embazîyêka rinde û bêhempa yena kerdene. Amara vat: ''Seke ma bi serran o têkîşt hê şer kenê. Wexto ke ma cepheyan ra dûrî benê tim bi qesawetî fikirîyenê. La cephe de hinî pers û qesawetî nêmanenê. Nê xoverdayîşî mojna ke ma bihêz ê. Ma bîyê tersê çeteyan.

Wa şarê ma hol bizano ke ma do heta çilka peyêne ya gonîya xo mîyanê têkoşîn û xoverdayîşî de bibê. Şarê ma bi ruhê Şerê Şarî yê Şorişgêrî verê xo dayo Tişrînî û bîyo tirso gandar. Ma ruh û tewirê şarê xo ra hêz gênê û wina benê bihêzêr.''