Şerwanê YPJyî cepheyanê şer û xoverdayîşî de Newroze pêşwazî kenê. Şerwana YPJyî Vejîne Hesekê cepheyê xoverdayîşî yê Qereqozaxî de Roşanê Newroze fîraz kerd.

Vejîne vat: ‘’21ê adare rojanê tewr girîngan ra yew a. Dewleta tirke û çeteyê ci her roje bi çekanê tewr giranan hêrişê çeperanê xoverdayîşî kenê. Vera ney embazê ma xo ver danê û hetê bînî ra bi coşî Newroze fîraz kenê.

Ma do Newroze bi serkewtişî tacîdar bikerê. Senî ke embazê Kawayî Mazlûm Doganî Zîndanê Amedî de bi bedenê xo Newroze fîraz kerd ma zî nê mîrasê xoverdayîşî anê ca. Hêrişî çend giran bibê zî ma do xo ver bidê û adirê Newroze geş bikerê. Çunke fîrazkerdişê Newroze wayîrvejîyayîşê şehîdan o.’’