Dewleta tirke ya îşxalkere û çeteyê ci kanûnê 2024î ra nata hêrişê Awbendê Tişrînî û Pirdê Qereqozaxî kenê. Fermandaranê YPJyî ra Şîlane Şoreş derheqê şer û xoverdayîşî de ma rê qisey kerd.

Şîlane Şoreş pare kerd ke şer bi her hawayî yeno kerdene labelê bi taybetî Pirdê Qereqozaxî de yeno kerdene. Şîlane vat: ‘’Ma cepheyê Qereqozaxî de yê. Dişmen bi her hawayî bombardumanan keno. La ma sey şerwananê YPJyî û bi tewirê xo yê şorişgêrî yê vera dişmenî se beno wa bibo do nêverdê ke dişmen bikewo erdê ma. Ma sey şerwanan û şarî payan ser de yê. 

Xêrê şarê ma ra moralê ma berz o. Xêrê felsefeya Rayberîye ra ma vera dişmenî vindenê. Ma ruhê şarê şorişgêrî dî. 

Şer ho dewam keno. Heta ke hêrişî est bê ma do şer bikerê û xo ver bidê. Paştîya ma bi şarê ma pêt o. Ma eşkenê her ca de ser bikewê û welatî azad bikerê.’’