Pirdê Qereqozaxî de mabênê şerwananê QSD û Artêşa Mîlî ya Sûrîye (SMO) ya Tirkîya de pêkewtişî dewam kenê. Wina amebi îdîakerdene ke Qereqozax kewto destê cerganê SMOyî. 

Rojnameger Nazim Daştanî cepheyê Qereqozaxî de şerwananê QSDyî reyde qisey kerd.

Şerwanê bi nameyê Rohatî kameraya ma rê vat: ''5 rojî yo tîya de pêkewtişê giranî est ê. Bi taybetî dormeyê pirdî de. Hem hewa hem zî erdî ra hêrişî est ê. La ma zî ser û binê erdî de xo ver danê.''

Şerwana YPJyî Avaşîne Efrîn vat: ''Her çiqas ma mîyanê zehmetîyan de xo ver danê zî heta peynî do dewam bikerê. Ma seba welatê xo û Rayberîya xo, xo ver danê. Qereqoxaz destê ma de yo. Ma tîya de yê.''

Şerwanan ra Demhatî vat: ''Ma pêro embazanê cepheyanê şerî selam kenê. Dewleta tirke wazena ke şarê ma qir bikera û bida koçkerdene. Ma pê şarê xo bawer ê. Wa şarê ma zî dişmen zî bizano ke ma Qereqozax de tunelan de, dewan de û şaristan de yê. Ma her ca de xo ver danê.''