Enternasyonalîstê îtalyanî Riccardo Nicodanoyo ke sey şerwanêkê YPGyî Rojawan de vera DAÎŞî şer kerdbi, 13ê çeleyî de şaristanê Novara yê Îtalya de dinyaya xo bedilnabî. Nicadano vizêr Pombia de dêr de bi merasîmêkê cenaza ame oxirkerdene.

Xeylêk enternasyonalîstî, şarê herême û temsîlkarê Komîteya Kurdan a Îtalya tewrê merasîmî bîyî. Merasîmî ra dima cenaza pê alayanê YPG û YPJyî ameye definkerdene. Merasîm de mesajê YPG, Taburê Enternasyonelan û dezgehan ameyî wendene.

Riccardo Nicodanoy ke nameyê ci yê şerwanîye Botan bibi, 1,5 serre Rojawan de şer kerd û hemleya azadkerdişê Tebqa û Reqa de cagirewt. Riccardo Nicodanoyo ke Rojawan de kurdkî zî musabi, dima ke agêra Îtalya qala Şorişê Rojawanî kerde û paştdayîşê bi kurdan rêxistin kerd.